Cant tradicional Occitan
(Per amators)
Lo COCUT, es lo plaser de cantar ensemble, naturalament e segon lo gost del moment.
Las cançons: la tradicion tota, de las cançons ancianas a las creacions de sègle XX. Del « trad blos » a la mescla.
De « sortidas »: per animar de manifestacions, fèstas, festins e nòças, tot còp de concerts, de pertot qu’i cal far l’ambiança.
De « presents »: tèxtes e sons per acompanhar una naissénça, una nòça, un eveniment personal.
Lo COCUT a grelhat a Clapièrs, entre Montpelhièr e Sant Lop. Mas podèm anar e bramar de pertot en Euròpa del Sud, e mai luènh encara ( mai que tot dins l’estiu).
Lo COCUT, es un grop d’òmes :
- Per la patz a l’ostal
- Per la tranquilitat de las femnas mentre que « repetèm » e que « sortissèm »
- Per que se pòsca tastar lo vin coma cal e sens empachas
- Per poder desplegar nòstras activitats « culturalas » (caricaturas, galejadas, comentaris de l’actualitat) sens critica.
Lo COCUT, es un cant natural, sens musica escricha ni voses definidas, una presa de las cançons pauc a cha pauc, a l’aurelha.
Còr es pas Corala
Es pas besonh de legir la musica
Es pas besonh de saber l’occitan ( aquò ven de se, en cantant)
Es pas besonh de cantar just (lo grop emplis tant las aurelhas que fa cantar just, de còps…)
Entrada liura e sortida tanben, venètz quand volètz
Lo COCUT
06 09 55 67 02
(laissar un messatge, s’escai)
lococut@cocut.org